Bortda tabriklash
Yaqinlaringiz uchun kutilmagan yoqimli syurprizni aynan osmonning o'zida uyushtiring.
"Bortda tabriklash" xizmati bilan yaqinlaringiz uchun kutilmagan yoqimli syurprizni osmonning o'zida uyushtiring.
"Bortda tabriklash" qo'shimcha xizmati Silkavia aviakompaniyasining ichki va xalqaro reyslarida taqdim etiladi. Tabrik parvoz vaqtida ekipaj tomonidan o'qib eshittiriladi.
Buyurtma parvozdan kamida 30 kun oldin va 4 soatdan kechikmagan holda amalga oshirilishi kerak
Xizmat narxi qat'iy - 150 000 so'm.
Tabrik turlari
Tug'ilgan kun / Yubiley bilan tabriklash
Xonimlar va janoblar!
Parvozimiz davomida bugun oramizda tug‘ilgan kun sohibi (yubilyar) bor!
"Silkavia" aviakompaniyasi (buyurtmachining F.I.Sh.) nomidan yo‘lovchimiz (yo‘lovchining F.I.Sh.)ni tug‘ilgan kuni bilan chin dildan muborakbod etadi. Sizga mustahkam sog‘liq, baxt-saodat, muvaffaqiyat, xonadoningizga fayz-u baraka va farovonlik tilaymiz.
To'y / To'y yubileyi bilan tabriklash
Xonimlar va janoblar!
Bugun parvozimizda o‘zlarining quvonchli ayyomi — (to‘y kuni / turmush qurganliklarining yilligi)ni nishonlayotgan go‘zal juftlik hamrohlik qilmoqda!
"Silkavia" aviakompaniyasi (buyurtmachining F.I.Sh.) nomidan aziz yo‘lovchilarimiz (juftlikning ismlari)ni ushbu unutilmas voqea bilan samimiy qutlaydi. Biz ham barcha ezgu tilaklarga qo‘shilgan holda, sizlarga cheksiz baxt, o‘zaro tushunish, abadiy muhabbat va birgalikda yanada ko‘proq unutilmas zavqli sayohatlar tilaymiz!
Xizmatni rasmiylashtirish
Xizmatni qaytarish shartlari
"Bortda tabriklash" xizmati quyidagi hollarda yo'lovchiga ko'rsatilmagan bo'lsa, to'liq hajmda qaytariladi:
- Yo'lovchi parvoz vaqtidan kamida 48 soat oldin xizmatdan ixtiyoriy ravishda voz kechgan taqdirda.
- Yo'lovchi tashuvdan ixtiyoriy ravishda voz kechgan taqdirda.
- Yo'lovchi tashuvdan majburiy ravishda voz kechgan taqdirda.
- Reys bekor qilinganda va xizmatni ko'rsatish imkoniyati bo'lmaganda.
- Tashuvchi tomonidan yo'lovchi havo tashuv shartnomasi bir tomonlama bekor qilinganda.
Shaxsiy kabinetga kirish